我哋係邊個
本網站由格格價（Gaak Gaak Gaa）營運，係一個獨立嘅迷你倉比較網站。如對本政策或你嘅資料有任何查詢，請電郵 contact@gaakgaakgaa.com。我哋會按照香港《個人資料（私隱）條例》處理你嘅查詢。
我哋唔會收集嘅資料
本網站冇會員登記、冇網上付款、冇查詢表格。我哋唔會要求你提供姓名、電話或者電郵（訂閱優惠通知除外，而呢個功能暫未開放）。
「附近迷你倉」同你嘅位置
你撳「用我而家嘅位置」時，瀏覽器會先問你准唔准。准咗之後，位置只會喺你部機用嚟計算距離，唔會傳送去我哋嘅伺服器，亦唔會儲存。如果你改為輸入地址，嗰段文字會交俾香港政府「地址查詢服務」（als.gov.hk）轉做座標；請避免輸入單位號碼等唔需要嘅資料。
Cookie 同分析工具
我哋可能會用 Google Tag Manager、Google Analytics 4 同 Meta Pixel 了解網站點樣被使用（例如邊啲頁面多人睇、搜尋功能有冇用），同埋量度廣告成效。呢啲工具只會喺你喺橫額揀「接受」之後先會使用 Cookie；揀「拒絕」或者未揀之前，Google 工具會以不使用 Cookie 嘅模式運作，Meta Pixel 會保持停用。你可以隨時喺頁尾「Cookie 設定」更改選擇。相關公司點樣處理資料，請參閱 Google 同 Meta 各自嘅私隱政策。
儲存喺你部機嘅設定
網站會用瀏覽器嘅本機儲存（localStorage）記住以下設定，資料唔會離開你部機：你用 ♡ 收藏嘅項目、卡片或列表顯示方式、同埋你嘅 Cookie 選擇。清除瀏覽器資料就會刪除。
外部連結
網站有連結去各營運商官網、Google 地圖同新聞網站。離開格格價之後，會受嗰啲網站嘅私隱政策約束。
資料保留同查閱
我哋冇儲存可以識別你嘅個人資料。分析工具收集嘅統計資料，按相關服務嘅設定保留。如你想查閱或更正任何我哋可能持有嘅資料，請電郵 contact@gaakgaakgaa.com。
政策更新
如我哋改變收集或使用資料嘅方式，會更新本頁同上面嘅更新日期。